ኢጣልያዊ ዓይነት ቅዲ  ናይ ናብራ፡ ብባህልን ታሪኽን ዝተጸልወ እዩ።ኢጣልያውያን ገርሂ፣ ሕጉሳት፣ ተቀበልቲ ኣጋይሽ ህዝቢ እዮም። ምዝንጋዕ ይፈትዉ፡ ምስ ዝፈትውዎም ብጾቶም ተሰንዮም ይዛናግዑ።ምዝንጋዕ ብልምዲ ኣብ መኣዲ ጣውላ፣ ቤት፣ ወይ ኣብ ኣብያተ መግቢ ብባህላዊ ኢጣልያዊ መግብን መስተ ወይኒን ብዋዕዋዕታን ዕላልን ምስ ብጾትን ኣዝማድን ይካየድ። ብሓጺሩ እዚ እዩ la dolce vita ኢሎም ዝገልጽዎ ፡ትርጉሙ ድማ ህይወት ብዘይ ጭንቂ ምስትምቃርን፣ ምስ እትፈትዎም ሰባት፣ ጽቡቅ ምምጋብ፣ ጽቡቅ ምስታይ ማለት እዩ።

መግቢ ሓደ ካብቶም ኣገደስቲ ኣብ ቅዲ ናብራ ኢጣልያ እዩ። ባህሊ ምእካብ ቤተሰብ ኣብ ምሳሕ ዕለተ ሰንበት ክሳብ እዚ እዋን እዚ ኣሎ።ፍሉይ መግቢ ኣብ ካልእ ግዜ ዘይዳሎ ድማ ይቀርብ።(ከም ፓስታ ፎርኖን ፓርሚጅያናን)። 

ኢጣልያዊ ቅድን   ኢጣልያዊ ፋሽንን ኣብ ዓለም ህቡብ እዩ።እንተኾነ ግን ኢጣልያዊ ዓይነት ኣከዳድና ማለት ፍሉይ ምኽዳን ኣይኮነን፡ እንታይ ዳኣ፡ ዝያዳ ብምስልኻ ምግዳስ እዩ።

ኢጣልያውያን ተዛረብትን ገለጽትን እዮም። ኣካላዊ ምንቅስቃስ ብምግባር ድ ሓሳቦም ምግላጽ ሓደ ካብ ናይ ኢጣልያውያን ገጸ ባህርያት እዩ። ቅርበት ብዘየገድስ ድማ ድምጺ ዓው ብምባል ምዕላል ልሙድ ተርእዮ እዩ።

ኣገረምቲ ሓቅታት ፡

• ኢጣልያ ሃገር ካብትበሃል 157 ዓመት ኣቊጺራ
• ብ 1827 ናይ መጀመርያ ልብወለድ መጽሓፍ/ኖቨል ብ ኣለሳንድሮ ማንዞኒ ቀ. ፕሮመሲ ስፖሲ (the betrothed)
• ዳብል/ተውለ ኣደማምጻ ኣብ ቋንቋ ጥልያን ተደጋጋሚ እዩ።ገለ ቃላት ክሳብ ኣርባዕተ ድምጽታት ኣለዎም፡“appallottolare“(ኣብ ኳዓሳሱ ምቅናስ) ከምእውን “disseppellire“ (ምፍሓር)
• ዞባ ሊጉርያ ከም Riviera of flowers / ሩባ ዕምባባታት ፡
• ሲሲልያ እቲ ዝዓበየ ናይ ኦፔራ ገዛ  ኣብ ኢጣልያ ኣለዋ -እቲ ህቡብ ናይ ፓለርሞ ቲያትሮ ማሲሞ ኣብ ኣውሮፓ ብሳልሳይ ደረጃ እቲ ዝዓበየ እዩ።
• እታ ዝነኣሰት ሃገር ኣብ ዓለብ ከተማ ቫቲካን ኣብ ሮማ ትርከብ እያ።
• ፒዛ ኣብ ናፖሊ ብ1860 ተማሂዙ።
• እቲ ናይ ፈለማ መዐቀኒ ሙቀት ብኢጣልያዊ መሃዚ ሳንቶርዮ ሳንቶርዮ ብ1612 ተማሂዙ።
• ፓለርሞ  ሓንቲ ካብተን ዝጠዓሙ ናይ ጎደና መግብታት ትፍለጥ ከተማ እያ ። ገለ ካብኡ ድማ  ኣራንቺነ/Arancine  ከቢብ ሩዝ ምስ ስጋ ዝዳሎ) ፓነለ /Panelle  ፡ ቺክፒስ ምስሕብስቲ ዝብላዕ ፣ ስፊንስዮነ       (ናይ ውሽጢ ፒዛ)፣ ስቲግዮላ (ድሎት )።

ዝያዳ ሓበሬታን ሊንክታትን፡ 

ኢጣልያዊ ምዃን፡/ Being Italian

ዘገርሙ ሓቅታት/Fun facts about Italy:

https://www.roughguides.com/article/23-fun-facts-about-italy/       

 https://takelessons.com/blog/interesting-facts-about-italy-z09

ዳግመ ሰፈራ እንታይ ማለት እዩ?

ዳግመ ሰፈራ፡ ን ብፍሉይ ተጠቃዕቲ ስደተኛታት ናይ ምሕላው መንገዲ ወይ መስርሕ ኢዩ።እዞም ስደተኛታት ድማ ካብ ናይ ፈለማ ተቀባሊት ሃገር ብምኽንያት ኲናት፡ግጭት፡ ወይ ድማ ጭቆና ዝተዓቅቡላ ፡ናብ ሳልሳይ ሃገር ተቀባልነት ሓለዋ ንስደተኛታት ትህብ ይሰጋገሩ።ላዕለዋይ ተጸዋዒ ስደተኛታት ሕብራት ሃገራት (UNHCR) ናይ ሕቡራት ሃገራት ናይ ስደተኛታት ትካል ( UNRA) ንዳግመ ሰፈራ ስደተኛታት አማዕቢሉ ይርከብ።ሳልሳይ ሃገር ፡ንስደተኛታት ኣካላውን ሕጋውን ሓለዋ የዳልዉ፡ እሳቶም ድማ ዕድላት ንሲቪላዊ፣ ፖሊቲካዊ፣ አኮኖምያዊ፣ ማሕበራውን ባህላውን መሰላት ኮይኖም ማዕረ ዜጋታት እተን ሃገራት ይኸውን።ብተወሳኺ ምስ ግዜ ዜግነት ናይ ምሃብ ዕድላት ከጣጥሕሎም ይግባእ።

ርእይቶ ሃገር ኢጣልያ፡

ሓለዋ/ዑቅባ ንስደተኛታት ኣብ ኢጣልያ ቀጻሊ ነባርነት/ሰፈራ ምሃብ ኣይኮነን። ድሕሪ 5 ዓመት ሰብ መዚ ሃገረ ኢጣልያ  እቶም ንዑቅባ ዘውሃቡ ምኽንያታት ዛጊት ምህላዎም ኣረጋጊጹ ይውስን። እንተደኣ ኣለዉ፡ መንበሪ ፍቃድ ይህብ፣ እንተዘይኮይኑ ግን መንበሪ ፍቃድ ኣይህብን ፡ በዚ መሰረት  ሃገር ኢጣልያ ገዲፉ ክወጽእ ይሕተት።

ድሕረ ባይታ/ቦታ ንፍቃድ ምስዝህሉ፤

ዝበዝሑ ስደተኛታት ቁልጡፍ ሓለዋ ካብ ጎረባብቲ ሃገራት ይደልዩ።(ካብዚኦም ሒደት ሚእታዊ ድማ ናብ ርሑቅ ናይ ኤውሮፓ ሕብረት ሃገራት ዑቅባ ንክሓቱ ይንቀሳቀሱ) ፡እንተኾነ ግን ዘተአማምን ምትሕብባርን ንነዊሕ ዝዓለመ ክንክን አብተን ሃገራት ውሑስ አይኮነን።

ንተቀባልነት ዳግመ ሰፈራ እንታይ የድሊ?

ላዕለዋይ ተጸዋዒ ስደተኛታት ሕቡራት ሃገራት (UNHCR) 8 መምዘኒታት ንዳግመ ሰፈራ ስደተኛታት አዳልዩ ይርከብ።እዚ ድማ “ላዕለዋይ ተጸዋዒ ስደተኛታት ናይ ምቅባል ነጥብታት” ይበሃል።ብሓፈሻ ስደተኛታት ክመዝገቡን አፍልጦ  ብላዕለዋይ  ኮምሽን ስደተኛታት ክህልዎም ይግባእ።ብውሑዱ ሐደ ካብዚ ዝስዕብ ዘማልኡ ውልቀ ሰባት ንዳግመ ሰፈራ አብ ግምት ይአትዉ።

1. አድላይነት ሕጋውን አካላውን ሓለዋ
2. ካብ ጭቆናን ግጭትን ዝደሓኑ
3. ሕክምናዊ አድላይነት
4. አብ ስግአት ዝርከባ ደቀንስትዮ
5. ዳግመ ጥርናፈ ስድራቤት
6. ህጻናትን ብጹሓትን
7. ሽማግለ ስደተኛታት
8. ሕጽረት ሕብረተሰባዊ ምውህሃድ

ድሕረ ባይታ/ቦታ ንፍቃድ ምስዝህሉ፤

ላዕለዋይ ተጸዋዒ ስደተኛታት (UNHCR ) ንዳግመ ሰፈራ ዘድልዩ መምዘኒታት ይመዝን፤መን ይግበኦ ድማ ይመርጽ።እቲ ናይ መወዳእታ መን እዩ ብቁዕ ነቲ ተቀባልነት ድማ ነታ ተቀባሊት ሃገር ይዋሃብ።ዝበዝሓ ሃገራት ናይ ባዕለን ተወሳኺ ናይ ምቅባል መስፈሪታት ይህልወን፤ምስ ናይ ላዕለዋይ ተጸዋዒ ስደተኛታት መስፈሪ ድማ ሓደ አይኮነን።

 መስርሕ ዳግመ ሰፈራ ብኸመይ ይትግበር?

ምርጫን ምግዓዝን ስደተኛታት ከም አካል መስርሕ ዳግመ ሰፈራ አዝዩ ዝተሓላለኸን ብዙሓት ዓለም ለኻውያን ተዋሳእቲ አለውዎ።

መስርሕ ዳግመ ሰፈራ 6 መንገድታት ኣለዎ፡

ምልላይ፣ ምምራጽ፣ ሓገዝ ቅድመ-ምብጋስ፣ ጉዕዞ፣ ምቅባል፣ ሕብረተሰባዊ ምውህሃድ

ተጠቃሚ መስርሕ ዳግመ ሰፈራ ንሙዃን ድማ መጀመርታ አፍልጦ ካብ ላዕለዋይ ተጸዋዒ ስደተኛታት ሕቡራት ሃገራት ( UNHCR ) ክህሉ ይግባእ።

ብተወሳኺ ፍሉይ ደረጃ ተጠቃዕነት (VULNERABILITY) ክህሉ ይግባእ።መወከሲ፡ መምዘኒታት ዳግመ ሰፈራ

ንአብነት ፤ ሕጻን፡ አካለ ስንኩል፡ሕማም ወይ ድማ ግህሰት ሰብአዊ መሰል አብ ናይ ፈለማ ዝተዓቅበሉ ሃገር ምስ ዝህሉ።

ላዕለዋይ ተጸዋዒ ስደተኛታት 8 መስፈሪታት ንዳግመ ሰፈራ አዳልዩ ይርከብ ፤መወከሲመምዘኒታት ዳግመ ሰፈራ  በዚ መሰረት ድማ ብቁዓት ሰባት ንዳግመ ሰፈራ ንምምራጽ ይውስን።

• ሓደ ካብዞም መስፈሪታት ምስ ዝማላእ ከምእውን አብ መበቆል ሃገርካ ወይ ድማ አብቲ ፈለማ ዝተዓቆብካሉ ሃገር ን ሽግርካ ዘላቂ ፍታሕ ምስ ዘይህሉ ላዕለዋይ ተጸዋዒ ስደተኛታት (UNHCR ) ናይ ዳግመ ሰፈራ እማመ ይህብ።
• እዚ ናይ ዳግመ ሰፈራ ሕጋዊ መስርሕ አብ ናትካ ሙሉእ ድጋፍ ይሙርከስ።
• እንተኾነ ግን እቲ ናይ መወዳእታ ናይ ምቅባል ውሳኔ ሓላፍነት ናይ ተቀባሊ ሃገር ይኸውን።
• ዝበዝሓ ሃገራት ናይ ባዕለን መቀበሊ መስፈሪታት ኣለወን፡ ማለት ምስ ናይ ላዕለዋይ ተጸዋዒ ዘይሳን ክኸውን ይኽእል።

እታ ሃገር ንክትቅበል ድልውቲ ምስ እትኸውን ናይ ምፍናው አገደስቲ መንገዲታት ይዳሎ ።                                                                  አብታ ሃገር ዝአተኻሉ እዋን እታ ሃገር ናይ መንበሪ ፍቃድ ትህበካ ብውሑዱ ናይ 5 ዓመት አብ ኢጣልያ  ከምእ`ውን መንበሪ ፍቃድ  ናይ ስደተኛ ሓለዋ።

አብ ናይ ፈለማ ተቀበሊት ሃገር እንከለኻ

ላዕለዋይ ተጸዋዒ ስደተኛታት ብውልቂ ደረጃ ዳግመ ሰፈራ ንስደተኛታት ይመሚ።እዚ ድማ ካብተን 8 ናይ ዳግመ ሰፈራ መስፈሪታት አብ ግምት ብምእታው ይኸውን። አብ መወዳእታ ውሳኔ ተቀባልነትካ ንሰበስልጣን ተቀባሊት ሃገር ይምልከት/ኢጣልያ። ብመሰረት መደብ UNHCR ንዳግመ ሰፈራን ብምትሕብባር ዘይመንግስታውያን ማሕበራት ንዳግመ ሰፈራ ትዳሎ።

• ከም ስደተኛ ን ናይ ዳግመ ሰፈራ ፕሮግራም ከተመልክት አይካአልን። ዕድል ናይዚ መደብ ንምርካብ ንዕለም ለኻዊ ማሕበር ናይ ስደት/IOM ምውካስ ይከኣል። ኣብ ትሕቲ ናይ ኢጣልያ መደብ ዳግመ ሰፈራ IOM ኢጣልያ ምውካስ ፡ ምውካስ ይከኣል።እዚ ማሕበር ድማ ሓላፍናት ናይ ሕክምናዊ መርመራታት፣ ባህላዊ ናይ ምልላይ ንጥፈታት፣ ትምህርቲ ቋንቋ፣ ምስግጋር ናብ ኢጣልያ ይወስድ። ኩሎም ንጥፈታት ድማ ብምትሕብባር ምንስትሪ ውሽጣዊ ጉዳያት፣ EASO, UNHCR/ላዕለዋይ ተጸዋዒ ስደተኛታት፣ ኣባላት ናይ ምእንጋድ ማእከላት ይካየዱ።
• ከም ኣካል ናይቲ ፕሮጀክት ሰብኣዊ ኮሪዶራት/HUMANITARIAN CORRIDORS ናይ ቅዱስ አጊዶ፡ እስኻውን ኣባል ናይቲ መደብ ክትከውን ትኽእል። ኣካየድቲ ማሕበራት ድማ ወለተኛታት ናብ ሜዳ ይልእኹ።ቀጥታዊ ርክብ ምስ ስደተኛታት ድማ ይገብሩ።ኣብታ ዝተመደብሉ ሃገር ዝርከብ ቆንስል ሃገረ ኢጣልያ ድማ ኣገደስቲ ወረቃቅቲ የዳልዉ፣ ከም ሰብኣዊ ቪሳ ፣ ኣብ ውሽጢ ሃገር ዘገልግል፣ ብሰላም ናብታ ሃገር ኢጣልያ ምስኣተዉ ድማ ን ዑቅባ መሕትት የዳልውዎም ።

ዓለም ለኻዊ ናይ ስደት ትካል (IOM ) ከምእውን ላዕለዋይ ተጸዋዒ ስደተኛታት ፣ባህላዊ ናይ ምልላይ ስልጠናታት የካይድ፤እዚ ድማ ቅድሚ ምብጋስ ናብ ተቀባሊት ሃገር ይኸውን፤ ናይ ጉዕዞ ምድላዋት ናብ ተቀባሊት ሃገር/ኢጣልያ የሳልጥ።

አብ መወዳእታ ውሳኔ ተቀባልነትካ ንሰበስልጣን ተቀባሊት ሃገር ይምልከት/ሃገር ኢጣልያ ።

ኢጣልያ ምስ ኣተኻ

ቀዳማይ ምቅማጥ

ኢጣልያ ምስ ኣተኻ መስርሕ ናይ ሕቶ ዑቅባ ከም ሓታቲ ዑቅባ ትጅምር።

ኣብ ኢጣልያ ናይ ምቅባል/ምእንጋድ ስደተኛታት ጉዳያት ዝሕዙ ዝተፈላለዩ ማሕበራት ምስ ምትሕብባር ውሽጣዊ ጉዳያት እዩ።

ማሕበረሰብ ናይ ቅዱስ አጊዶ ምስ ፕሮጀክት ሰብኣዊ ኮሪዶራት ድማ ሓደ ካብቶም ማሕበራት እዩ፡. እዚ ተበግሶ እዚ ብዘይ ናይ መንግስቲ ምወላ ይካየድ፡ እተን ማሕበራት ኩሉ ወጻኢታት ይሽፍነኦ።ክሳብ ሕጂ እዚ ፕሮጀክት 1 ሚልዮን ዩሮ ኣዋጺኡ ይርከብ።

ኢጣልያ ምስ ኣተኻ ፡ብወጻኢታት ናይዘን ማሕበራት ትእንገድ ።

ዶኩመንት

ሕጂ ዑቅባ ክትሓትት ትኽእል። ድሕሪ ናይ ቀዳማይ ቃለ መሕትት ፡ናይ ስደተኛ ደረጀ ትወሃብ። እዚ ድማ ኣብ ኢጣልያ ን 5 ዓመት ምንባር የኽእለካ። ሓበሬታኻ ድማ ይስነድ፣ ስእልታትካን ስእሊ ናይ ስድራቤትካን ድም ይውሰድ። ብተወሳኺ ፡ ሕክምናዊ መርመራታት ድማ ይካየደልካ።እቲ ቀዳማይ ቃለ መሕትት ኣብ ውሽጢ 30 መዓልታት ይካየድ። እቲ ኮምሽን ድማ ውሳኔ ኣብ ዝቅጽል 3 መዓልታት ይህብ። (እንተኾነ ግን እቲ መስርሕ ኣብ ኢጣልያ ነዊሕ ግዜ ክወስድ ይኽእል)።

መንበሪ ፍቃድ ንስደተኛ ደረጃ ዘለዎም ድማ ትወሃብ። እዚ ድማ ዶኩመንት መንነት ይኸውን።

ንዝያዳ ሓበሬታ ብኽብረትካ ምዕራፍ ዓለምለኻዊ ሓለዋ ተመልከት።

ዝያዳ ሓበሬታን ሊንክታትን፡

https://openmigration.org/en/analyses/safe-legal-access-for-asylum-seekers-through-resettlement-programmes-and-humanitarian-corridors/

http://www.unhcr.org/information-on-unhcr-resettlement.html

http://www.italy.iom.int/it//aree-di-attivit%C3%A0/relocation-e-resettlement/FAIR

https://openmigration.org/en/analyses/safe-legal-access-for-asylum-seekers-through-resettlement-programmes-and-humanitarian-corridors/

http://www.sprar.it/wp-content/uploads/2016/06/Guida_pratica_per_titolari_di_protezione.pdf

http://www.asiloineuropa.it/wp-content/uploads/2017/06/I-reinsediamenti-e-altre-forme-di-ingresso-legale-e-sicuro-per-i-rifugiati_1_2017.pdf

ኣብዚ ዝስዕብ ፡ሓበሬታ ብዛዕባ ፍሉይ ሓገዛትን፣ መሰላትን ኣገልግሎታት ኣብ መቀበሊ ማእከል መስርሕ ዑቅባ፣ ከምእውን ዓለምለኻዊ ዑቅባ ብንዝተፈላለዩ ጉጅለታት ማለት ብቀሊሉ ተጠቃዕቲ ዝኾኑ ሰባት ምርካብ ይከኣል።

ደቀንስትዮ

ደቀንስትዮን ኣዋልድን_ስደተኛታት፣ብፍላይ ድማ ብ ውልቂ ዝንቀሳቀሳ ፡ብዙሕ ሓደታት የጋጥመን።ስለዝኾነ ድማ ንጠለባተን ኣተክሮ ንምሃብ ኣብ ግዜ ጠለብ ዑቅባን ዓለምለኻዊ  ሓለዋ ኣብ ዝወሃባሉ ግዜ ፍሉይ መሰል ይህልወን።

ደቀንስትዮን ኣዋልድ ደቀንስትዮ ብ ምዃነን ጥራይ ንዝተፈላለዩ ዓበይቲ ሓደጋታት ይቃለዓ፡እሳቶም ድማ፣ ኣካላውን ጾታውን ዓመጽ፣ ኣንጻር ደቀንስትዮውሽጣዊ ዓመጽ፣ ግዱድ መውስቦ፣ ናይ ክብሪ“ ገበናት፣  ዝውውር ን ምንዝርናን ፣ ግዱድ ስራሕን፣ ከምእውን ካልኦት ዓይነታት ስቅያትን ዓመጽን የጠቃልል።እዞም ምኽኒያታት ኣብ ግምት ብምእታው ደቀንስትዮን ኣዋልድን ፡ኣብ ኢጣልያ ዓለምለኻዊ ዑቅባ ክረኽባ ይኽእላ።

ከም ደቀንስትዮ(ልዕሊ 15 ዓመት ዕድመ)፣  ምስ ኣባላት ስድራቤተን እንከለዋ በይናዊ ናይ ዑቅባ ጠለብ ከቅርባ መሰል ኣለወን።እዚ ማለት ድማ ናይ ዑቅባ ጠለበን  ካብቲ ናይ ኣባላት ስድራቤት ብ ፍሉይ ይረኣን ይምርመርን ማለት ኢዩ።ጓል ኣንስተይቲ ኣባል ድማ ነቲ ቃለ መሕትት ተካይድን ትምርምርን።ጓል ኣንስተይቲ ተርጓሚት ውን ትዳለወለን ፣እንተኾነ ግን ኣብ ኢጣልያ ፡ከምቲ ኣብ ካልእ ኣውሮፓ ብቁዓት ተርጎምቲ ን ናይ ኩሎም ስደተኛታት ቛንቛ ብ ቐሊሉ ኣይርከብን።

ኣብ መዕረፊ ማእከላት ድማ ደቀንስዮን ኣዋልድን ናይ በይነን ገዛን ቀረባትን ካብ ናይ ደቂ ተባዕትዮ ይኸውን፡ምስ ኣባላት ስድራቤተን ምስ ዝደልያ ግን ብ ሓባር ይዳለወለን።ኣብ መዕረፊ ማእከላት ድማ ን ደቀንስትዮን ኣዋልድን ናይ በይነን ሽንት ቤትን ናይ ጽሬት ማሳለጥን ክዳለወለን ይግባእ።

ነፍሰጹር ደቀንስትዮን ሓደስቲ ወላዳትን ከም ናይ ኢጣልያ ዜጋታት ነጻ መሰል ናይ ክንክን ጥዕና ኣደ ኣለወን ፡ደረጃ ዑቅባ ማ ኣብ ግምት ዘየእተወ ይኸውን። እዚ ድማ መርመራታት ትዕና፣ ሕክምና፣ ምኽሪ ኣብ ግዜ ጥንሲ ኣድላይ እንተኾይኑ፣ ናይ ሆስፒታል ክንክን ቅድምን ድሕርን ምውላድ የጠቃልል።

ደቀንስትዮን ኣዋልድን ፣ሓተትቲ ዑቅባ ይኹና ወይ ድማ ዓለም ለኻዊ ዑቅባ ዝተዋህበን ክንክን ጥዕና መሰላት ኣለወን። ንፍርያምነተን ዝምልከት እውን ጥዕናዊ ኣገልግሎት ይረኽባ።

ጓል ኣንስተይቲ ወይ ድማ ጎርዞ ግዳይ ውሽጣዊ ዓመጽ ምስ እትኸውን(ብ ኣባላት ስድራቤት ዝፍጸም ዓመጽ)ፍሉይ ሓለዋ ናይ ምርካብ መሰል ኣለዋ።ናይ ምፍላይ መሰልን ኣድላይ ምስ ዝኸውን ድማ ካብ ዓመጸኛ ሓለዋ ብ ፖሊስ ክግበረላን ኣብ ን ደቀንስትዮን ህጻናትን ዝተዳለወ መዕቆቢ ትሰፍር/ትጽመጥ፣-ግዳያት ዓመጽ።ካብ ዓመጸኛ ድማ ብምስጢር ትነብር ሕክምናውን ናይ ስነ-ኣእምሮ ሓገዛት ድማ ትረክብ።

ግዳይ ውሽጣዊ ዓመጽ ጓል ኣንስተይቲ ወይ ድማ ጎርዞ ሓታቲት ዑቅባ ምስእተኸውን ጠለብ ዑቅባኣ ኣብ ድልየታ ዝተሞርኮሰ ብፍሉይ ይምርመር።ድሮ ዓለምለኻዊ ዑቅባ ዝተዋህባ ወይ ድማ ግዝያዊ መንበሪ ኣብ ኢጣልያ ምስ ዝህልዋ ብፍሉይ ካብ ኣባላት ስድራቤት ወጻኢ መንበሪ ፍቃድ ክሕደስ ይኽእል።እዚ ድማ ንደቀንስትዮን ኣዋልድን ብ ስድራቤታዊ ጥርናፈ መንበሪ ፍቃድ ዝረኸባ የጠቃልል።

ሓገዝ ክትሓተለን ትኽእል ማሕበራት፡

ናብ ቸንትሮ ኣንቲቭዮለንዛ ደውል’ነጻ መስመር፡ 1522(24/7) እዚ መሰመር ቀጥታ ምስ ተረኛ የራኽበካ።

ሕጋዊ ምኽሪ ምስ እትደሊ፡

ማሕበር ጠበቃታት ደቀንስትዮ፡ ኣብ መብዛሕትኡ ከተማታት ኢጣልያ ነጻ ሕጋዊ ኣገልግሎትን ፣ስነ ኣእምራዊ ምኽርታትን፣ ምኽሪ ኣብ እዋን ናይ ኣእምሮ ነውጺ ይህብ።

Le Onde Palermo፡

መርበብ ደቀንስትዮ ኣንጻር ጭቆና ፡

ማሕበር ዶነ ዲ በኒን ከተማ ፓለርሞ፡

እንተደኣ ደቀንስትዮ ናይ ንግዲ ደቂ ሰብ ግዳይ ኮይና ፡ ማለት ድማ ተመዝሚዛ፣ ብምትላል ወይ ምግዳድ፣ ንምንዝርና ናይ ጉልበት ስራሕ፣ ወይ ኣብ ዘይትደልዮ ካልኦት ንጥፈታት ተወፊራ፡ ሓለዋ ክትረክብ ሙሉእ መሰል ኣለዋ። ሓታትቲት ዑቅባ ትኹን ፣ ወይ መንበሪ ይሃልዋ፣ ግዳይ ናይ ንግዲ ደቂ ሰብ እንተኾይና ሓለዋ ክትረክብ ይግባእ፣ ኣብ ውሑስ ቦታ ትቅመጥ፣ ሕክምናውን ስነ ኣእምራውን ሕጋውን ሓገዛት ድማ ትረክብ። ብተወሳኺ ብዛዕባ ግዝያዊ መንበሪ ድማ ይወሃባ፣ ኣንጻር እቶም ገበነኛታት ድማ ሕጋዊ መስርሕ ከተካይድ ድማ ኣድላይ ምትሕብባር ይግበረላ።መደብ ሓለዋ ንግዳያትን ድማ የካትት።

እንተደኣ ግዳይ ንግዲ ደቂ ሰብ ኮንካ ተገዲድካ ብዝገበርካዮም ነገራት ኣይትሕተትን።

ኣዋልድ ድሌታተን ምርኩስ ብምግባር ዕድልትምህርቲ ይህልወን።መባእታዊ ትምህርቲ ግዴታዊ ኮይኑ ፣ ኣዋልድ ደረጃ ዑቅባ ብዘየገድስ ክምዝገባን ክመሃራን ይግባእ።ንካልኣይ ደረጃ ትምህርቲ ድማ ከም ሓተትቲ ዑቅባን ፣ ደረጃ ዑቅባ/ሓለዋ ዘለወን ክመርጻን ክኸዳን ይኽእላ።ደቀንስትዮ ስደተኛታት ድማ ብመሰረት ምርጫን መምዘኒታት ናይ ዩኒቨርሲቲ ክመሃራ ይኽእላ።

ህጻናትን ኣወዳትን

ዝኾነ ሰብ ኣብ ትሕቲ ዕድመ 18 ዝርከብ ብ መሰረት ሕጊ ኢጣልያ ህጻን እዩ።ኣብ መስርሕ ዑቅባን ስደትን ህጻናት ከም ብ ቀሊሉ ተጠቃዕቲ ጉጅለ ይፍለጡ፣ወላኳ ምስ ስድራቤቶም ወይ መቅርቦም ይሃልዉ ፡ፍሉይ መሰል ናይ ሓለዋ ኣለዎም።

ብ ስም ህጻን ዓለምለኻዊ  ጠለብ ዑቅባ ምቅራብ ን ዋሕስ ናይቲ ሕጻን ይምልከት።አዚ ድማ ወለዲ ወይ ድማ ሕጋዊ ሓላፍነት ናይቲ ህጻን ዝወስድ ሰብ ይኸውን።ጠለብ ዑቅባ ናይቲ ህጻን ድማ ምስ ናይ ወላዲ ወይ ድማ ሕጋዊ ወኪል ጠለብ ዑቅባ ዝተኻተተ ይኸውን።

ኣብ ግዜ ጠለብ ዑቅባ ህጻናት ካብ ወለድን መቅርብን ክፍለዩ የብሎምን።እዚ ድማ ነቲ ህጻን ምስ ወላዲ ወይ ድማ ሕጋዊ ወኪል ምዃን ኣብ ሓደጋ ዘየእቱ ምስ ዝኸውን እዩ።

ኣብ ሓደጋ ዘእቱ ምስ ዝኸውን ግን ሰብ መዚ መዕረፊ ማእከል ን ዚምልከቶ ኣካል ብ ምሕባር ነቲ ህጻን ኣብ ውሑስ ቦታ ከንብርዎ ይግባእ።ህጻናት ካብ ወለዲ ወይ ድማ መቅርብ ዝተፈልየ ናይ ባዕሎም ቀረብን መሳለጥን ናይ ምርካብ መሰል ኣለዎም።

ኩሎም ህጻናት ትሕቲ 18 ዓመት ዕድመ ፣ ሓተትቲ ዑቅባ፣ ዓለም ለኻዊ ዑቅባ ዝተዋህቡ፣ ግዝያዊ መንበሪ ዝተዋህቦምን መሰላት ናይ ክንክን ጥዕና ኣብ ትሕቲ ሓደ ዓይነት ኩነታት ፣ ልክዕ ከም ኢጣልያዊ ዜጋ ይህልዎ።

ኩሎም ህጻናት ናይ ትምህርቲ መሰል ይህልዎም፡ሓተትቲ ዑቅባ፣ዓለምለኻዊ ዑቅባ ዝተዋህቦም፣ግዝያዊ መንበሪ ብ ስድራቤታዊ ጥርናፈ ዝተዋህቦምን የጠቃልል።ህጻናት- ሓተትቲ ዑቅባ  ሕቶ ጠለብ ዑቅባ ካብ ዘቅርቡ ኣብ ውሽጢ ኣብ ዝሓጸረ ግዜ ኣብ ቤት ትምህርቲ ክምዝገቡ ይግባእ።እቲ ቛንቛ ኢጣልያ ምስ ዘይዛረብ ፣መባእታዊ ምድላው ን ቛንቛ ኮርሳት ይውሃቦ፣ብተወሳኺ ድማ ናይ ካልኦት ዓይነታት ትምህርቲ ኮርሳት የጥቃልል።ከም ህጻን ገምጋማዊ መርመራታት ኣይግበረሎምን(ትምህርቲ ዝተኸታተሉ ኮይኖም ግን ነጥቢ ዘይረኸቡ)።

መባእታዊ ትምህርቲ ኣብ ኢጣልያ ግዴታዊ ኢዩ።ኣብ ካልእ ሃገር ትምህርቲ ዝጀመረ ቅድሚ ትምህርቲ ኣብ ኢጣልያ ምቅጻሉ ፈተናታት ይወሃቦ።ሰብ መዚ ቤት ትምህርቲ ኣድላይ ኮይኑ ምስ ዝረኽብዎ እቲ ህጻን ኣድማዕነቱ ተራእዩ ሓደ ክፍሊ ንታሕቲ ክምዝገብ ይኽእል።

ካልኣይ ደረጃ ትምህርቲ ፣ግዴታዊ ኣይኮነን እንተኾነ ግን ድሌት ዘለዎ ህጻን ን ካልኣይ ደረጃ ትምህርቲ ክቅጽል መሰል ኣለዎ።ህጻናት ኣብ ካልኣይ ደረጃ እንታይ ዓይነት ትምህርቲ ይደልዩ ናይ ምምራጽ መሰል ኣለዎም ፣ እንተኾነ ግን ናይ መባእታዊ ትምህርቲ ውጺኢት ብምርኣይ ይኸውን።እንተደኣ ናይ ካልኣይ ደረጃ ትምህርቲ ጀሚርካ፣ ክትቅጽሎ መሰል ኣሎካ፣ ወላውን ዕድመ እንተደፋእካ/ዝዓበኻ እንተኾንካ።

ህጻናት ኣብ ትሕቲ ዓለም ለኻዊ ዑቅባ ዘለውን ወይ ድማ ግዝያዊ መንበሪ ፍቓድ ዘለዎምን ፡ኣብ ከባቢኦም ዝርከብ መውዓሊ ህጻናት  ክመሃሩ ይግባእ። ናይ ቅድመ ትምህርቲ ህጻናት ፡ ኣብ መዕቆቢ ማእከል ዝርከቡ(ሓተቲ ዑቅባ) መውዓሊ ህጻናት ክከታተሉ ኣይክእሉን።ብሓፈሻ ግን ፣ንክንክን ህጻናት ዝምልከት ፡ኣብ መዕቆቢ ማእከል ዝርከቡ ዘይመንግስታውያን ማሕበራት ሓገዛት ይረኽቡ።

እቲ ዋና ማሕበር መሰላት ከም ህጻን ምስ ወላዲ ይኹን ብዘይ ወላዲ ድማ ተጠባባቂ ህጻናትን ዓበይትን እዩ፡

ዝያዳ ሓበሬታን ሊንክታትን፡

ፖሊሲታትን ንጥፈታትን ናይ ኣላይ ዘይብሎም ኣብ ኢጣልያ፡

ኣላይ ዘይብሎም ህጻናት

ትሕቲ 18 ዓመት ኮንካ ወላዲ ፣ቤተ ሰብ፣ ቤተ ዘመድ፣ወይድማ ሕጋዊ ወኪል ዘይብልካ ምስ እትኸውን  ኣላይ ዘይብሎም ትሕቲ ዕድመ ህጻናት (unaccompanied minor) ይበሃል።ኣላይ ዘይብሎም ህጻናት ን ሓደጋ ዝተቃለዑ ኮይኖም ናይ ዝተፈልየ ሓለዋ መሰል ኣለዎም።ኣብ መዕረፊ ማእከል ከም ትሕቲ ዕድመ ህጻን መጠን ካብ ዓበይቲ ሓተትቲ ዑቅባ ዝተፈልየ ቀረብን መሳለጥያን ይወሃበካ። ንኣላይ ዘብሎም ዝተዳለወ መንበሪ ፍቃድ ድማ ይረኽቡ ፡እዚ ወላ እኳ ብዘይ ብቁዕ ዶኩመንት ይእተዉ ትሕቲ ዕድመ ስለዝኾኑ ጥራይ መንበሪ ፍቃድ ይወሃቦም።

“ናይ ሓለዋ ስጉምትታት ናላይ ዘይብሎም ህጻናት  ኣብ 6ግንቦት 2017 ሓድሽ ሕጊ ወጺኡ ፡(ሕጊ ቁ.47/17) ኣብ ኢጣልያ ድማ ኣብ ግብሪ ውዒሉ። እዚ ሓድሽ ሕጊ ድማ ፥

• ንኣላይ ዘይብሎም ህጻናት ጉዳይ መስርሕ መንበሪ የቃልል፡ እዚ ድማ ዑቅባ ንዘይሓቱ ኣላይ ዘይብሎም ይኸውን ፡18 ዓመት ምስ መልኡ ድማ ናይ ስራሕ ፍቃድ ይህብ።
• ወለንተኛታት ኣለይቲ የዳሉ እሳቶም ብፍሉይ ዞባዊ ተጠባባቂ ትካልዝሰልጠኑ ኮይኖም ብዝምልከቶም ኣብያተ ፍርዲ ይፍጸሙ።
• ኣብ ዶብ ድማ ኣላይ ዘብሎም ህጻናት ንኸይምለሱ ይኽልክል።
• ናይቲ ህጻን ድሌት እንተኾይኑ ናይ ወለንታዊ ምምላስ መስርሕ ብቤት ፍርዲ እንተተደጊፉ የቀላጥፍ፣ ብተመሳሳሊ ድማ ጥርናፈ ስድራቤት እንተተደልዩ ይተሓባበር ፣ ሓፈሻዊ ኩነታት ናይ ስድራቤት ህጻን ምስ ኣላይ ብምትሕብባር የጻሪ፣ ብተወሳኺ ኩነታት ህጻን ኣብ ኢጣልያ።

ንዝያዳ ሓበሬታ ድማ ፡:   ተወከስ።

ኣብ መዕረፊ ማእከል ከም ትሕቲ ዕድመ ህጻን መጠን ካብ ዓበይቲ ሓተትቲ ዑቅባ ዝተፈልየ ቀረብን መሳለጥያን ይወሃበካ።ኣብ ኢጣልያ ድማ ኣብ ትሕቲ ኣባይቲ ማሕበራዊ ሓገዛት ንህጻናትን  መንእሰያትን ዝተባህለ ቀረብ መንበርን መሳለጥን ይህልወካ። ማእከል ህጻናትን መንእሰያትን ክፉት ማእከል ኮይኑ ብ ፍሉይ ካብ ወለዶም ብ ዝተፈላለየ ምኽንያት ዝተፈልዩን ምስ ስድራቤት ክነብሩ ዝተጸገሙን ዝነብርሉ ማእከል ኢዩ።

ኣገዳሲ ፡ ኣብ ኢጣልያ ምስ ኣተኻ ብዛዕባ ሕጋዊ መስርሕን መሰላትካን ሓበሬታ ክወሃበካ እዩ።

ሓላፍነት ናይ ወላዲ ዝወስድ ዋሕስ/ኣላይ (guardian)ይህልወካ።እሱ ድማ ኣብ ንዓኻ ዝጠቅም ውሳነታት ይሳተፍ።ኣብ ዝውስነልካ ጉዳያት ድማ ክትሕበርን ክትሕተትን መሰል ይህልወካ፣እዚ ድማ ኣብ ኢጣልያ ጠለብ ዑቅባ ምስእትደሊ ይኸውን።ዋሕስካ ድማ ሓበሬታ ብዛዕባ መሰላትካ፣ዝወሃበካ ኣገልግሎት፣እንታይ ዕድላት ይህልወካን ናይ ምሕባር ግደታ ይህልዎ። ኣብ 2017 ኣብ ኢጣልያ ሕጊ  ሓሊፉ፡ ገለ   ካብኡ     ድማ       ሕጋዊ         ኣላይ               ንኣላይ                   ዘይብሎም         ።ዝኾነ ዜጋ ድማ  ዝተዳለወ ስልጠናታት ብምውሳድ

ኣላይ ክኸውን ይኽእል፡ ገለ ካብኡ ድማ ውሕስነት መሰላቶም የረጋግጽ፣ ኣብ መዕረፊ ማእከላት ዘሎ ኩነታት ይከታተሉ፣ ሓፈሻዊ ኩነታቱ ይከታተሉ ፡ ትምህርቱ፣ ናይ ምውህሃድ ክእለቱ የተባብዕ።እንተኾነ ግን ዝኾነ ወጻኢታት ኣይሽፍንን።

ኣገዳሲ፡ ብመሰረት ሕጊ ኢጣልያ ሕቶ ዑቅባ ኣላይ ዘብሎም ብ ኣላይ ክረጋገጽ ይግባእ።(እቲ ህጻን ኣቀዲሙ ሓቲቱ እንተጸንሑ ፡እቲ መስርሕ ደው ክብል ይግበር ዝምልከቶም ኣካላት ድማ ንቤት ፍርዲ     ህጻናት ይሕብር።

ንዝያዳ ሓበሬታ ሕጋውያን ኣለይቲ፡ :

ስድራቤትካ ኣብ ሃገርካ ይሃልዉ፣ ወይ ኣብ ካልእ ሃገር፣ ምስ ስድራቤትካ ዳግም ክትጥርነፍ መሰል ኣሎካ። ኣብ ኢጣልያ እንከሎኻ ፣ብተወሳኺ ምስ ስድራቤትካ ቀጻሊ ክትራኸብ መሰል ኣሎካ።

እንተደኣ ዑቅባ ክትሓትት ወሲንካ ፣ ሕቶ ጠለብካ ቀዳምነት ይወሃበካ። ኣብ ቤት ጽሕፈት ኣላይ ዘይብሎም ናይ መንእሰያት ቤት ፍርዲ ይቀርብ። ናይቲ ዞባ ኮምሽን ጠለብካ ይምርምር፣ ቃለመሕትት እውን የዳሉ፡(9-12 ወርሒ ካብ ናይ ፈለማ ናይ ሕቶ ግዜ)።ኣላይኻ ድማ ነቲ ቃለ መሕትት ከዳልወካ ይግባእ፣ ኣብ ግዜ ቃለ መሕትት ድማ ክርከብ ይግባእ።ብቋንቋኻ ክትዛረብን ተርጓሚ ክዳለወልካ መሰል ኣለካ።

ከም ኣላይ ዘይብሉ (ካብ 18 ዓመት ንታሕቲ) ፡ከም ዜጋ ኢጣልያ ማዕረ ናይ ክንክን ጥዕና መሰል ኣለካ።

ክትመሃር እውን መሰል ኣለካ ፡ ፣ ብመሰረት ዕድመን ዝንባለን ድማ ይኸውን። ካብ ክንደይ ክፍለ-ትምህርቲ ከምእትጅምር ፣ ናይ ዝሓለፈ ውጺኢትካ ይምርመር።ተወሳኺ ትምህርቲ ብዛዕባ ቋንቋ ጥልያን ድማ ብ ዞባዊ ማእከል ትምህርቲ ንዓበይቲ/CPIA ይዳለወልካ።

ኣብ መዕረፊ ማእከል ድማ ክሳብ ክልል ዕድመ 18 ፈረቃን  ትጸንሕ። ምስ ኣለይቲ ኮማት ድማ ክሳብ ትምህርትኻ ትውድእ፣ እንተኾነ ግን ካብ 21 ዓመት ዕድመ ኣይሓልፍን።

እቲ ዝውሰኽ ግዜ ድማ ፕሮሲጉ ኣሚንስትራቲቮ/PROSIEGUE AMMINSTRATIVO ተባሂሉ ይጽዋዕ።እዚ ዕድል ምውሳኽ ናይ ግዜ ድማ ክሳብ ዕድመ 21 ክትምሃር ይፈቅደልካ፡ ብድሕሪኡ ድማ ናይ ባዕልኻ መንበሪ ክትረክብ ይግባእ፡ መሰል ስራሕ እውን ይህልወካ። ቅድሚ ካብቲ ማእከል ምስንባትካ ኣባላት ናይቲ ማእከልን ዘይመንግስታውያን ማሕበራትን ስራሕ ኣብ ምድላይ ይተሓባበራኻ።

ክሳብ ኣብ ኢጣልያ ዝሃለኻ (ደረጃ ዑቅባኻ ብዘየገድስ) ፡መሰል ናይ ስነኣእምራዊ ሓገዝን ደገፍን ኣልያን ኣብ ድሌትካ ዝተመርኮሰ ይግበረልካ።ኣላይኻ ድማ ንስደተኛታት ዝሕግዙ ሰብ ሞያን   ማሕበራትን ከራኽበካ ግዴታ ኣለዎ። 

ካብ ስድራቤት ዝተፈልዩ ህጻናትን ወይ ድማ ብዘይ ኣባል ስድራቤት ዝጓዓዙን ግዳያት ናይ ሓደጋ ንግዲ ወዲ ሰብ ሙዃኖም ይእመኖሎም።እዚ ማለት ድማ ን ምስጋግር፣ምምዝማዝ ህጻናትን መእሰያትን ብ ግዴታ ይኹን ብ ዓፈና ን ስራሕ ፣ምንዝርና ፣ለመና ወይ ድማ ካልኣት ገበናዊ ንጥፈታት የጠቃልል።ሰብ መዚ ፖሊስ ፣ማሕበራት ሰራሕተኛታት፣ከምእውን ዋሕስካ ድማ እዚ ገበናት ኣብ ልዕለኻ ተፈጺሙ ንኸይከውን ብምርግጋጽ ኣድላይ ሓገዛት ይገብሩልካ።

ኣብ ህጹጽ እዋን  ንመን ትድውል/ትረክብ?

ካራቢነሪ ፡ 112

ፖሊስ ፡ 113

ሓደጋ ዘጋጠሞም ህጻናት ናይ ህጹጽ ግዜ መስመር 

ምትሕብባር ንኣገልግሎት ኣንጻር ዓመጽን ወጽዓ ህጻናትን

ማእከል ሓገዝ ንስድራቤታትን ኣላይ ዘይብሎምን 

ዝያዳ ሓበሬታን ሊንክታትን ፡

ፖሊሲታትን ንጥፈታትን ናይ ኣላይ ዘይብሎም ኣብ ኢጣልያ፡

ስድራቤታት

ስድራቤታት ናይ ጥርናፈን ብሓባር ናይ ምንባር መሰል ኣለዎም።ሓተትቲ ዑቅባ ስድራቤታት ናይ ሓባር መንበርን ቀረብን ኣብ መዕረፊ ማእከል ይዳለወሎም።ልዕሊ 18 ዓመት ኣባላት ስድራቤት በብውልቆም ዑቅባ ይሓቱ፣ ሕቶ ዑቅባ ትሕቲ ዕድመ ኣባላት ስድራቤት  ድማ ምስ ናይ ወለዲ ጠለብ ዑቅባ ይጠቃለል።ውልቂ ስድራቤታት ምስ ትሕቲ ዕድመ ህጻናት ድማ ን ሓደጋ ዝተቃልዑ ስለ ዝኾኑ ፍሉይ ሓለዋ ይግበረሎም።ሓተትቲ ዑቅባ ምስ ዝኾኑ ድማ ናይ ውልቆም መንበሪ ካብ ዓበይቲ ነበርቲ ዝተፈልየ ይወሃቦም።

ኣብ ኢጣልያ ዓለም ለኻዊ ዑቅባ እንተ ተዋሂቡካ ፡ስድራቤትካ ድማ ኣብ መቆል ሃገርካ ወይ ድማ ኣብ ካልእ ሃገር እንተደኣ ኣለዉ መሰል ናይ ስድራቤታዊ ጥርናፈ ኣሎካ።ክትጥርንፎም ትኽእል ኣባላት ስድራቤትካ ብ መሰረት ሕጊ ሃገረ ኢጣልያ  እዞም ዝስዕቡ ኢዮም፣

• በዓል ቤት ወይ ድማ በዓልቲ ቤት ምርዕው/ምርዕውቲ እንተኾንካ፣ናይ ህይወት ብጻይ/ብጸይቲ ኣብ ኢጣልያ ፣ ብሕጊ መሰረት ናይ ህይወት መጻምድቲ ይበሃል።
• ናትካ ወይ ድማ ናይ በዓልቲቤትካ ውላድ /ዘዕብኻዮ ትሕቲ ዕድመ ህጻናት፣ዓበይቲ ልዕሊ 18 ዓመት ምርዕዋት እንተዘይኮይኖም
• ህጻን(ትሕቲ 18 ዓመት) እንተኾንካ ወለድኻ፣ሕጋዊ ሞግዚት(ከም ወላዲ ዝሕሰብ ኣባኻ ዝተመርኮሰ)
• ናይ ቐረባ ቤተሰብ(ዓበይቲ ወለዲ ፡ን ኣብነት)ብ ሓደ ኣብ ናይ ሓባር መንበሪ ዝነበርካን ብ መንገድኻ ዝእለዩ።

ንስድራቤታዊ ጥርናፈ ዘመልክት ሰብ እዞም ዝስዕቡ መምዘኒታት ከማልእ ይግባእ፥

• መንበሪ ገዛ ብመሰረት መምዘኒ ስፍሓት መንበሪ ናይ ዞባዊ ሕጊ ህዝባዊ ኣባይቲ
• ዓመታዊ ጠቅላላ ኣታዊ ካብዚ ዝስዕብ ዘይውሕድ

5.818,93 ዩሮ (ንሓደ ሰብ)

8,728.39 ዩሮ(ንጥርናፈ ሓደ ጽግዕተኛ ኣባል ስድራቤት)

11,637.86 ዩሮ (ንጥርናፈ ክልተ ጽግዕተኛታት ኣባላት ስድራቤት)

14,547.79 ዩሮ (ንጥርናፈ ሰለስተ ጽግዕተኛታት ኣባላት ስድራቤት)

17,456.79 ዩሮ (ንጥርናፈ ኣርባዕተ ጽግዕተኛታት ኣባላት ስድራቤት)

ጥርናፈ ስድራቤት ሕጋዊ፣ ምምሕዳራዊ ኣገባባት ዘለዎን ከቢድን ግዜ ዝወስድን እዩ።ምኽሪ ካብ ዝምልከቶም ማሕበራት ምርካብ ኣገዳሲ ኮይኑ እዚ ድማ መስርሕ ጥርናፈ ጌጋታት ሕልኽላኻት ንኸየጋጥም እዩ።

ናይ ሓደ እዋን ዕዳጋ ንስደተኛታት / One Stop Shop for Immigration:

ሲንዲኬት Sindacate INCA:

ስንክልና ዘለዎም ሰባት

ስንክልና ዘለዎም ሰባት ማለት ናይ ነዊሕ ኣካላዊ፣ስነ ኣእሙራዊ ናይ ብልሒ ምምዝባላት ዘለዎም ኢዮም።እዚ ድማ ዓረቢያ ስንክልና(wheelchair)ተጠቀምትን ካልእ ናይ ምንቅስቃስ ጸገም ዘለዎም ሰባት፣ዓይነ ስውራን፣ጸማማትን፣ ናይ ሓንጎል ጸገም፣ወይ ድማ ማሕበራዊ ጸገም ዘለዎም ሰባት የጠቃልል።

ስንክልና ዘለዎም ሰባት ን ሓደጋ ዝተቃልዑ እዮም ፡ስለዝኾነ ድማ ብ ፍሉይ ምስ ኩነታቶም ዝኸይድ ሓለዋ ክግበረሎም ይግባእ።እዚ ማለት ድማ ናይ ምእንጋድ መሰሎም ዝተሓለወ ክኸውን ይግባእ፣ዑቅባ ኣብ ዝሓትሉ እዋን ካብ ናይ ልዕሊ ዕድመ ሓተትቲ ዑቅባ ብዝተፈልየ ኣገባብ ይኸውን።ውሕስነት ስንክልና ዘለዎም ሰባት ቀዳምነት ዝወሃቦ ጉዳይ እዩ።

ኣብ ሓደ ሓደ ኣጋጣሚታት ፡ስንክልና፡ ናይ ስነ ኣእምሮ ጥዕናን ስንክልና ኣእምሮ ኣገዳሲ ውሳኔታ ኣብ ናቶም ዝንባለ ምስ ህይወቶም ዝተኣኣሳሰር ን ክገብሩ የጸግሞም።ኣብ ከምዚ ኣጋጣሚታት ብሕጊ ዓቅሞም ድሩት ኪኸውን ይግበር።

እዞም ሰባት እዚኦም ሕጋዊ ሞግዚት ክህልዎም ይግባእ፣እዚ ድማ ኣገዳሲ ውሳኔትት ን ኽገብሩን ምስ ናቶም ዝንባሌ ዝኸይድ ኣብ ናይ ዑቅባ ውሳኔ መስርሕ ክሳተፉን ኣሎውም ነቶም ስንክልና ዘለዎም ሰባት ብምትካእ ሞግዚት ዓቢ ተራ ኣለዎ።

ኣገዳሲ፡ ሕጋዊ ሞግዚት ፡ኣብመስርሕ ውሳኔ ናይ ዑቅባ ብንጥፈት ክሳተፍ ይግበኦ፣ እንተኾነ ግን ክንዲ እቲ ስንክልና ዘለዎ ሓታቲዑቅባ ክዋሳእ ኣይክእልን እዩ።

ሕጋዊ ዓቅሚ ምእጋድ ተነቃፊ ክሳብ ዝኾነ ፡ሓገዝ ዘድልዮም ስንክልና ዘለዎም ሰባት ምስ ዘጋጥሙኻ ሕጋዊ ሓገዛት ክግበረሎም ኣድላይ ምትሕብባር ክንገብር ይግባእ። ብተወሳኺ ማሕበራት ናይ ስንክልና

ዘለዎም ሰባት ከምእውን ዘይ መንግስታውያን ማሕበራት ምኽርን ሓገዛትን ዝህባ ኣለዋ፡ ሃገራዊ ማሕበር ንደገፍን ምክልኻልን መሰላት ስንክልና ዘለዎም ሰባት ፡ ኣብ ኢጣልያ ድማ እቲ ንሓለዋን ሰብኣዊ መሰላትን ስንክልና ዘለዎም ሰባት ዝጣበቅ ማሕበር እዩ። ብተወሳኺ ካልኦት ዘይመንግስታውያን ማሕበራት እውን ኣብዚ መዳይ ይነጥፋ፡

Fish Onlus

Anffas Onlus

ANIE (ሃገራዊ ማሕበር ንደገፍን ምክልኻልን መሰላት ስንክልና ዘለዎም ሰባት):

ስንክልና ዘለዎ ሰብ ኩነታቱ ኣብ ግምት ዘእተወ መሰልናይ ክንክን ጥዕና ኣለዎ፡እዚ ድማ ን ሓታቲ ዑቅባን ዓለምለኻዊ ሓለዋ ኣብ ኢጣልያ ዝተዋህቦ ሰብ ብ ሓደ ይምልከት።

ዕድመ ምርኩስ ብ ምግባር ልክዕ  ከም ሓታቲ ዑቅባን ዓለምለኻዊ ዑቅባ ዝተዋህቦ ሰብን  ናይ ትምህርቲ መሰል ኣሎካ።እዚ ማለት ድማ ከ ሓታቲ ዑቅባ ፡ ስንክልና ዘለዎም ህጻናት ናይ መባእታውን ካልኣይን ደረጃ ትምህርቲ መሰል ይህልዎም።ዓለም ለኻዊ ሓለዋ ዝተዋህቡ ስንክልና ዘለዎም ሰባት ከም ናይ ኢጣልያ ዜጋ መሰላት ትምህርቲ ኣለዎም።

መባእታዊ ትምህርቲ ንስንክልና ዘለዎም ህጻናት ግደታዊ እዩ ፡ሊንክ ናብ ትምህርቲ ስንክልና ዘለዎም መእሰያትን ህጻናትን መሰላት ናይ ካልኣይ ደረጃ ትምህርትን ዩኒቨርሲቲ ዕድላትን ኣለዎም።ኣብ ኢጣልያ መስርሕ ትምህርቲ ን ስንክልና ዘለዎም ህጻናትን መንእሰያትን ኣብ መስርሕ ምስትምሃር ብቀጻልነት ብግቡእ ንክመሃሩን ክርድኡን ሓገዝ ይግበረሎም።

ኣብ ኢጣልያ ስንክልና ዘለዎም ሰባት መሰል ናይ ስራሕ ኣለዎም፡እዚ ድማ ን ሓተትቲ ዑቅባን ዓለም ለኻዊ ዑቅባ ዝተዋህቡ ሰባት የጠቃልል፣ሕጊ ዝጠልቦ ኩነታት ከማልኡ ድማ ይህልዎም።

ስንክልና ዘለዎ ዓለም ለኻዊ ዑቅባ ዝተዋህበ ሰብ እንተኾይኑ መምዘኒታት ስራሕ ን ስንክልና ዘለዎም ሰባት ክውከስ ተመራጺ ይኸውን።እዚ ሓበሬታ ድማ ካብ ሕዝባዊ ናይ ዕዮ ኣገልግሎት ወይ ድማ ማሕበራት ስንክልና ዘለዎም ሰባት ይርከብ።

ኣፈላላይ ን ስንክልና ዘለዎም ሰባት ኣብ ኢጣልያ ብጥብቂ ዝተኸልከለ እዩ።ስንክልና ዘለዎ ሰብ ናይ ኣፈላላይ ኩነት እንተ ኣጋጢምዎ ፣ማለት ካብ ስንክልና ዘይብሉ ሰብ ብዝተፈልየ መልክዕ እንተደኣ ተራእዩ ሓለዋ ክግበረሉ መሰል ይህልዎ።

ኣብ ከምኡ ኣጋጣሚ ናይ ጥርዓን ፋይል ን ቤት ጽሕፈት ተጠባባቂ ማሕበር ን ስንክልና ዘለዎም ሰባት ክኸፍት ይኽእል።ወይ ድማ ኣብ ከባቢኡ ዝርከብ ማሕበር ስንክልና ዘለዎም ሰባት ክውከስ ይግባእ።እንተኾነ ግን ፡ኣብ ግምት ክኣቱ ዘለዎ ጉዳይ ንቋንቋኻ ክትርጉሙ ዝኽእሉ ተርጎምቲ ብ ቀሊሉ ክርከቡ ኣጸጋሚ እዩ።

ንዝያዳ ሓበሬታ ብዛዕባ መሰላትን መስርሕን ስንክልና ዘለዎም ሰባት ፡

ዝርዝር ምስ ስንኩላን ዝሰርሑ ማሕበራት፡

ግዳያት ንግዲ ደቂ ሰብ ኣብ ደቂ ሰባት

ግዳያት ንግዲ ወዲ ሰብ ዝኾኑ ሰባት ማለት ሰባት ኣብ ትሕቲ ቁጽጽር ናይ ካልኦት ብ ምዃን ካብ ድሌቶም ወጻኢ ክምዝመዝዙን፣ኣብ ዘይደለይዎ ስራሕ ክዋፈሩን፣ብዘይ ዝኾነ ክፍሊት ክሰርሑ ክግደዱን ማለት እዩ።

ግዳያት ክስልጥኑን ኣብ ገለ ኣጋጣሚ ውን ክሽየጡን ይኽእሉ ፣እዚ ድማ ምብ ፈላጢኦም፣ ቤተ ዘመድ፣ ወይ ድማ ገበነኛ ጉጅለታት ይኸውን።ሓደ ሓደ እዋን ውን ጹቡቅ ክፍሊት ዘለዎ ክንረኽበልኩም ብ ምባል ናይ ሓሶት መብጽዓ ይወሃቦም።

መብዛሕትኡ እዋን ካብ ሃገር ናብ ሃገር ይንቀሳቀሱ ወይ ውን ካብ ሩሑቅ ገጠራትን ከተማታትን። ነጋዶ ድቂ ሰብ ነቶም ግዳያት ሙሉእ ብ ሙሉእ ቁጽጽር የእትውዎም፣የገድድዎም፣ይጨውዮም፣የታልልዎም።ገንዘባዊ ዓቅሞምን ወረቀት መንነቶምን ይውሰዶም ምኽኒያቱ ምሉእ ብ ምሉእ ኣብ ትሕቲ ቶም ነጋዶ ደቂ ሰብ ን ክኾኑ ማለት እዩ።

ግዳያት ኣካላዊ ፣ጾታዊ ፣ስነ ኣእሙራዊ ኣመጽ የጋጥሞም፡ኣብ ገለ ኣጋጣሚ ውን ዘደንዝዝ መድሃኒት ብ ምሃብ ኣብ ትሕቲ ቁጽጽር ይእትዉ።ነጋዶ ደቂ ሰብ ንግዳያት ይምዝምዝዎም፣ናብ ካልኦት ድማ የሰጋግርዎም ፡እዚ ድማ ን ጉዱድ ስራሕ፣ ምንዝርና፣ካልእ ናይ ገበን ንጥፈታት ብዘይ ናቶምድሌት ከዋፍርዎም ይኽእሉ።

ደቀንስትዮን ህጻናትን ብፍላይ ድማ ኣላይ ዘይብሎም ህጻናት ኣብ ዝለዓለ ስግኣት ን ንግዲ ደቂ ሰብ ይርከቡ፡እንተኾነ ግን  ደቂ ተባዕትዮ `ውን ን ግዱድ ስራሕ ክምዝመዙ ተኽእሎታት ኣሎ።ዝኾነ ሰብ ግዳይ ናይ ንግዲ ደቂ ሰብ ክኸውን ይኽእል።እዚ ድማ ኣብ ግዜ ጉዕዞ ፣ኣብ ዝበጽሖ መወዳእታ ሃገር ውን ከጋጥሞ ይኽእል።

ምኽሪ፡ ተጠንቀቅ ዝኾነ ሰብ ሓገዝ ናይ ትራንስፖርት ኣብ ዝህበሉ ግዜ ፣ዶብ ኣብ ዝሰግሩሉ ግዜ ስራሕ ክረኽበልካ ብ ዝብል ምስምስ ግዳያት ክኸውን ይኽእል።ወላ`ውን እቲ ሰብ ናይ ቀረባ በተ ሰብ ይኹን ልዑል ጥንቃቀ ኣድላይ ይኸውን ፡ምኽንያቱ ኣብ መብዛሕትኡ ኣጋጣሚ ብ ናይ ቀረባ ሰቦም ዝተጨውዩ ውሑዳት ኣይኮኑን።

ኣብ መስርሕ ዑቅባ ግዳያት ንግዲ ደቂ ሰብ ብ ፍሉይ ተጠቃዕቲ ምዃኖም ይእመን።መሰል ናይ ፍሉይ ሓለዋን ሓገዝን ከም ግዳያትንግዲ ደቂ ሰብ ካብ ዝተለለይሉ እዋን ይህልዎም።

ኣብ ኢጣልያ  ሃገራዊ ትግባረ ፕላን ኣንጻር ንግዲ ደቂ ሰብን ምዝመዛ ደቂ ሰባትን ፡ ። እዚ መደብ ን ዝተፈላለዩ ትካላትን ማሕበራትን መስርሕ ንምክልኻልን ምልላይን ግዳያት ንግዲ ደቂ ሰባት ይህብ።ነዚ ተበግሶ ናይ ሓለዋ ዘካይዱ ኣካላት ድማ ኣባላት ፖሊስ፣ኣባላት መዕረፊ ማእከል፣ ካልኦት ሲቪካዊ ማሕበራት ኣብ ውሽጢ እቲ ማእከል ወይውን ኣብ ሜዳ ብሓባር ኣብ ግዝኣት ኢጣልያ ዝሰርሑን እዮም።

ግዳያት ደቂ ሰብ ኣብ ውሑስ መኣንገድን ናይ ሕክምናዊ፣ስነ ኣእሙራዊ፣ማሕበራውን ሕጋውን ሓገዛት ካብ ግዳያት ምዃኖም ዝተለለይሉ እዋን ጀሚሩ ይግበረሎም።ነዚ ተበግሶ ናይ ሓለዋ ዘካይዱ ኣካላት ድማ ኣብላት ፖሊስ፣ኣባላት መዕረፊ ማእከል፣ዓለም ለኻውያን ማሕበራት፣ከም ላዕለዋይ ኮምሽን ስደተኛታት ሕቡራት ሃገራት ፣ቀይሕ መስቀል፣ትካል ህጻናት ሕቡራት ሃገራት ወይ ድማ ካልኦት ሲቪካዊ ማሕበራት ኣብ ውሽጢ እቲ ማእከል ወይውን ኣብ ሜዳ ዝሰርሑን እዮም።

ወጻእተኛታት ግዳያት ደቂ ሰብ ኣብ ውሑስ መኣንገዲ ክጸንሑ መሰል ኣለዎም።ብተወሳኺ እቲ ዝተዳለወሎም መደብ ናይ ሓለዋ ክቅበሉ ከምዝደልዩን ክውሰኑ ይግባእ።እዚ ከምዚ ኢሉ እንከሎ ድማ ብኣስገዳድ ክጥረዙ ኣይክእሉን።ኣብዚ እዋን ዚ እቲ ሰብ ክስጎግ ኣይኽእልን። ኣብ መደብ ሓለዋ ምስታፍ ድማ ወለንታዊ እዩ።ብዛዕባ እቲ መደብ፣ ዝህሉ ሓገዛት ን ኩነታት ብዝርደኦ ቋንቋ ምድላው እቲ ግዳይ ሓበሬታ ይወሃቦ።ብዘይ ናቲ ግዳይ ስምምዕ ዝኾነ ውሳኔ ብዛዕብኡ ክውሰን ኣይግባእን።ግዳይ ኣብ መደብ ናይ ሓለዋ ፕሮግራም ክኣቱ ፍቃደኛ እንተኾይኑ ናይ ሓደ ዓመት መንበሪ ፍቃድ ይወሃቦ፡ እቲ መንበሪ ካብኡ ን ላዕሊ ክኸውን ይኽእል።

ግዳይ ንግዲ ደቂ ሰብ  ወላውን ምስ ፖሊስ ወይ ውን ምስ ናይ ሕጊ ኣካል ኣይተሓባበር መሰል ሓገዛትን ደገፍን ኣለዎ።መንነትን ሓበሬታ ናይ ግዳይ ድማ ብ ሚስጥር ይተሓዝ።ብ ነጋዶ ደቂ ሰብ ተገዲዶም ዝገበርዎ ገበናት ድማ ክቅጽዑን ክጭቆኑን የብሎምን።

ግዳይ ናይ ንግዲ ደቂ ሰብ ህጻን እንተኾይኑ ድማ ተወሳኺ ስጉምትታት ን ክትግበሩ ኣብ ግምት ይኣትዉ።ሕጋዊ ሞግዚት ብ ስድራቤታዊ ሓላፍነት ዝዋሳእ ይምዘዝ።ሕጋዊ ሞግዚት ድማ ኩሎም ውሳኔታት ን ረብሓ ናይቲ ሕጻን ከምዝተወሰኑ ከረጋግጽ ይግባእ።ብኩሉ መዳያት ናይቲ ሕጻን ድሌት ን ዝሚልከቶም ክሕብርን ከማኽርን ይግባእ።

ግዳይ ናይ ንግዲ ደቂ ሰብ ን ዓለምለኻዊ ሓለዋ ዑቅባ ከቅርብ መሰል ኣለዎ።ናብ ቲ ዝመጽሉ ሃገር  ሓደጋ ናይ ሞት፣ስቅያት፣ዘይሰብእዊ ኣተሓሕዛ፣መቅጻዕትን ካልእን ዘለዎ ክምለሱ ወይ ድማ ክጥረዙ ኣይክእሉን።እቲ ግዳይ ናብ ሃገሩ ወይድማ ናብ ካልእሃገር ክምለስ ክምለስ እንተኾይኑ ግን ዝምልከቶ ኣካል ናይ ፖሊስ ኣብቲ ሚንስትሪ ውሕስነት ናይ ምምላስ ከረጋግጽ ሓላፍነታዊ ግዴታ ኣለዎ።

ፍሉይ ነጻ መስመር ንምሕባር ኩነት ንግዲ ደቂ ሰብ ፡ 800-290-290 ፡ብዝተፈላለዩ ቋንቋታት ኣገልግሎት ይህብ ፣ 24 ሰዓት ክፉት እዩ ፣ ሓበሬታ ብዛዕባ ሕጋዊ ውሕስነት ይህብ፣ ናብ ዝምልከቶም ማሕበራዊ ሓገዝ ዝህቡ ማእከላት የሰጋግር።

ሓደጋ ዘጋጠሞም ህጻናት ናይ ህጹጽ ግዜ መስመር ፡114

ወብሳይት ድማ 

ሓካይም ብዘይ ዶብ ፡ Doctors without borders:

ካብ ስቅያት ዝደሓኑ 

ስቅያት ክልኩልን ካብቶም ቀንዲ ግህሰት ሰብኣዊ መሰላትን እዩ።ስቅያት ኮነ ኢልካ ዝግበር ናይ ስነኣእምሮን ኣካላውን ስቅያት ኮይኑ ብናይ ሃገር ወይ ድማ መንግስቲ ብዓል ስልጣን ንዝተወሰነ ዕላማ ዝፍጸም እዩ።ኣካላዊ ስቅያት ብ መልክዕ ብርቱዕ ማህረምቲ፣አለክትሪክ ምንፍጥፋጥ፣ምቅጻል፣ምምካን፣ጾታዊ ኣመጽ፣ዓፈናን ካልእን የጠቃልል።እቲ ልሙድ ናይ ስነ ኣእምሮ ስቅያት ድማ ውርደት፣ተነጽሎ፣ምቅንጻልን ወይ ውን ሙቅራጽ፣ምፍርራሕ ፣ከምእውን ናይ ካሎት ስቅያት ምዕዛብ ዛመሰሉን ኢዮም።

ነቲ ስቅያት ዝፍጽሙ ኣካላት ኣብ መብዛሕትኡ ኣጋጣሚታት ድማ ኣባላት ፖሊስ፣ሓለውቲ ቤት ማእሰርትን፣ወታሃደራዊ ሓይልታትን ሰበስልጣን መንግስትን እዮም።ኣብ ገለ ኣጋጣሚታት ውን እቶም

ኣካየድቲ ናይቲ ስቅያት ሰብ ሞያ ጥዕና፣ዶካትር፣ኣለይቲ ሕሙማት ወይ ድማ እሱራት ብጾት ብ ድፍኢትን ትእዛዝን ሓለፍቲ ክኸውን ይኽእል።

ኩነታት ምእንጋድን መስርሕ ዑቅባን ን ግዳያት ስቅያት

ካብ ስቅያት ዝደሓኑ  ኣብ መስርሕ ዑቅባ ን ሓደጋ ዝተቃልዑን ሓለዋ ክግበረሎም ድሌታቶም ክማላእን ይግባእ።ካብ ስቅያት ምድሓን ዓለምለኻዊ ሓለዋ ከውህብ ይኽእል። ብመሰረት ሕጊ ኢጣልያ፡ ኣብ ሕቶ ጠለብ ዑቅባ ን ካብ ስቅያት ዝደሓኑ፣ካብ ጾታዊ ኣመጽ፣ከምእውን ካልኦት ዓይነት ስነኣእምርሮ ፣ኣካላዊ፣ጾታዊ ዓመጽ፣ ኣድላይ ሓገዛት እንተዘየልዮም ናይ ዶብን ዝተቀላጠፈ መስርሕ ኣይጥቀምን እዩ።

ካብ ስቅያት ዝደሓኑ ምቹእ ናይ ምቅባል/መዕረፊ ኩነታት መሰል ኣለዎም።እዚ ማለት ድማ ሙሉእ ቀረብ ናይ ሕክምናዊ፣ናይ ስነኣእምሮ ተሃድሶ ኣገልግሎት ናይ ሕጊ ሓገዝ ፡ብመሰረት ውልቃዊ ድሌታቶም ክህልዎም ይግባእ።ኣብ ኢጣልያ  ሓገዛት ካብ ምንስትሪ ጥዕና ይርከብ ፡ ፡ ኣብ ኢጣልያ ከም ሉሙድ እዚ ዓይነት ሓገዛት ካብ ዘይ መንግስታውያን ማሕበራት ይርከብ።

ኣብ ገለ ኣጋጣሚታት ድማ  ናይ ካብ ዝደሓነ ሰብ ጸብጻብ ሕክምናን ስነኣእምሮ ሓገዛት ን ናይ ዑቅባ መስርሕ ን ምቅልጣፍ ይድመር።እዚ ጸብጻባት ከም ሰነድን መረጋገጽን ናይ ኣካላዊ፣ ስነኣእምሮ ስቅያትን ናይቲ ካብ ስቅያት ዝደሓነ ውጺኢት ይኸውን።ብ ክኢላታት ይጻሓፍ ፡ብ ልምዲ ናይ ስነኣእምሮ፣ዶካትር ሕክምናን ይኸውን።ነቲ ጸብጻብ ን ምቅራብ ናይ ሓታቲ ዑቅባ ሙሉእ ደገፍን ስምምዕን ክህሉ ይግባእ።

ፍሉይ ኩነታትን፣ መሰላትን፣ ኣገልግሎታትን፣ ሓገዛትን  ንLGBTI እንታይ ይመስል?

LGBTI

LGBTI ማለት ለስቢያን፣ግብረሰዶማዊ፣ክልተጾታዊ፣ጾታዝቀየረ፣ኢንተርሰክስ ሰባት(LGBTI)ማለት እዩ። LGBTI ሰባት ፍሉይ መዕረፊ ቦታን /ባይታ ን ዓለምለኻዊ ዑቅባ ኣለዎም።ናይ ኢጣልያ ሕጊ ጾታዊ ሌላ ዘለዎም ሰባት ዓለምለኻዊ ዑቅባ ብፍሉይ ውሕስነትን ኣብ መቀበሊ ማእከልን መስርሕ ዑቅባን ይህብ። እንተኾነ ግን፡ ኣብ ግብሪ ንክፍጸም ወይ ክትግበር ኣዝዩ ከቢድ እዩ።

ኣፈላላይ ብ ሰንኪ ጾታዊ ሌላ ብ ሕጊ ኢጣልያ ዝተኸልከለ እዩ።ዓለምለኻዊ ዑቅባ ዝተዋህበካ  እንተኾንካ ካብ ናይ LGBTI ማሕበራት ሓገዝ ክትሓትት ትኽእል። ገለ ካብኣቶም ናይ ሕጊ ሓገዛትን ስነ ኣእሙራዊ ምኽርን ይህቡ፡ ከም ARCI ግብረሰዶም ኣብ ከተማታት ኢጣልያ ድማ ሰፊሕ መርበባት ኣለዎ።

ኢጣልያ ፣ ብሓፈሻ ናይ ንLGBTI መሰላትን ናጽነትን ብዝምልከት ዛጊት ከም ዓቃባዊት ሃገር እያ ትፍለጥ ፡እንተኾነ ግን ኣተሓሳስባ ህዝቢ እንዳተቀየረ ይመጽእ ኣሎ። ኣብ 2015 ሕጊ ፡  ኣንጻር ጽልእን ሌላን LGBTI ተነዲፉ። ሓደ ዓይነት ጾታ መጻምድቲ ሕጋውያን ምዝጉባትን ኮይኖም ፡ ከም መጻምድቲ ድማ ኣፍልጦ ይረኽቡ ።በዚ መሰረት ሓደ ዓይነት መሰላት ከም ምርዑዋት ይህልዎም። እንተኾነ ግን ፡ናይ ሓደ ካብኦም ውላድ እንተዘይኮይኑ ፡ ህጻን ከዕብዩ ኣይፍቀድን ።