ተራ ማሕበራትን ክለባትን ንስደተኛታትን ዑቅባ ዝተዋህቦምን እንታይ ይመስል?

ንስደተኛታትን ሓተትቲ ዑቅባን ዑቅባ ዝተዋህቦምን ዝሕግዙ ዝተፈላለዩ ማሕበራት ኣለዉ። ማብዛሕትኦም እቶም ማሕበራት ሃይማኖታዊ ድሕረ ባይታ ዘለዎም ኮይኑ ፡ ከም ካሪታስን ድያኮኒን ፡ ንካልኦት ሃይማኖታዊ ድሕረባይታን ባህልን ብነጻ ዝንቀሳቀሱ ጉጅለታት እውን ብክፉት ይሕግዙ። ብተወሳኺ ከም ቀይሕ መስቀል ዝኣመሰሉ ዘይ መንግስታውያን ማሕበራት እውን ብዘይ ዝኾነ ይኹን ሃይማኖታዊ ቀረቤታ ንስደተኛታት ንምሕጋዝ ዝንቀሳቀሱ ማሕበራት እዮም። መንግስቲ ድማ መደባት ምሕጋዝ ማሕበራትን ውልቀሰባትን ንስደተኛታት ይሕንጽጽ። ቀንዲ ዕላማ ናይቲ መደብ ድማ ኣብ ሰብኣዊ መሰላት ዝተመርኮሰ ሕብረተሰባዊ ምውህሃድ ዝዓለመ እዩ። መወልትን ኣበገስትን ናይዘን ማሕበራት ድማ ዝተፈላለዩ ኣካላት እዮም። በተወሳኺ ብስደተኛታት ባዕሎም ዝመሓደራ ማሕበራት እውን ይርከባ። ሓደ ፕሮጀክት ድማ ኣብዚ ምጥቃስ ይከኣል። CoMiDe ዝተባህለ ፕሮጀክት ኣብ ዓመተ 2011- 2014 ንስደትን ምዕባለን ተበግሶ ወሲዱ ዝንቀሳቀስ ፕሮጀክት ምንባሩ ይግለጽ።  ሓፈሻዊ ስእሊ ብዛዕባ ጉዳይ ስደት ምሃብ ሓደ ካብቲ ንጥፈታቱ ምዃኑ `ውን ይፍለጥ። ምንም እኳ እቲ ፕሮጀክት ኣብዚ እዋን ዝተዛዘመ እነተኾነ ገለ ኣገደስቲ  መራኸቢ መስመራት ግን ኣብዚ ዝስዕብ ሊንክ ምርካብ ይከኣል፡ http://www.comide.net/organisations

ኣብ ታሕቲ ድማ ዝርዝር ንዝያዳ ሓበሬታን ኣብነታትን ማሕበራት ምርኣይ ይከኣል።

እዞም ማሕበራት ኣብ ዝተፈላለዩ ጉዳያት ዝስዕብ ናይ ምኽሪ ኣገልግሎት ይህቡ፡ ናይ ቋንቋ ስልጠናታት፣ ባህላዊ ንጥፈታት፣ ግብራዊ ሓበሬታ ብኸመይ ገንዘባዊ ሓገዝ ትረክብ፣ ስራሕ ወይ መንበሪ ገዛ ብኸመይ ትረክብን ፡ ብኻልእ ኣዘራርባ ድማ ብኸመይ ናይ ህይወት ምርግጋእ ትረክብን ዝኣመሰሉ ምኽራውን ግብራውን ሓገዛት ይህቡ።

ብተወሳኺ ዝተፈላለዩ ማሕበራት ዝተፈላለዩ ጉጅለታት ዕላማ ብምግባር ኣተክሮ ሂሞም ይንቀሳቀሱ፡ ዑቅባ ዝሓቱ ስደተኛታት፣ ዓይነታዊ ሓገዝ ዝተዋህቦም ሰባት(ናይ ዑቅባ ሕቶኦም ዝተነጽጉ ግን ናብ መበቀል ሃገሮም ምምላስ ኣስጋኢ ኩነታት ዝህልዎም ሰባት)፣ ኣቃልቦ ዘይብሎም ትሕቲ ዕድመ ስደተኛታት ከምእውን ኣፍልጦ ናይ ዑቅባ ዝተዋህቦም ስደተኛታት እዮም። ገለ ማሕበራት ድማ ብፍሉይ ንደቀንስትዮ ኣቃልቦ ሂቦም ይንቀሳቀሱ።

ናይ ምዝንጋዕ ንጥፈታት እንታይ ይመስሉ ፡ብምስታፈይ እንታይ ጥቅምታት ክረክብ ይኽእል?

ናይ ምዝንጋዕ ንጥፈታት ኣብ እዋን ዕረፍቲ ካብ ስራሕን ትምህርትን ዝካየዱ ንጥፈታት እዮም። እዞም ንጥፈታት እዚኦም ንሓፈሻዊ ኩነታት ህይወትካ ዓቢ ጥቅሚ ክህቡኻ ይኽእሉ። ብተወሳኺ እዞም ናይ ምዝንጋዕ ንጥፈታት ኣብ ሕብረተሰባዊ ምውህሃድን ማሕበራዊ መርበባት ህይወት ኣብ ምምስራትን ዓቢ ጽልዋ ይህልዎም።

ዝተፈላለዩ ማሕበራት ድማ ኣብ ናይ ምዝንጋዕ ንጥፈታት ከም ስፖርትን፣ ፈጠራዊ ሞያ ኣብ ምሃብን (ኣሰራርሓ መግቢ፣ ሙዚቃ ወዘተ.) ሓገዛት ስልጠናታትን ይህቡ።

ኣብ ኣውስትርያ ኣባል ናይ ዝኾነ ማሕበር (ንኣብነት ፡ ናይ ስፖርት፣ ሙዚቃ፣ ወለንታዊ ናይ መጥፍእ ሓዊ ኣባል፣ ቀይሕ መስቀል ወዘተ)ምዃን ልሙድ ተርእዮ እዩ። ናብ ዝኾነ ይኹን ስልጠናታት ዝህቡ ማሕበራት ምኻድ ንስደተኛታት ጥራይ ዘይኮነ ንኩሉ ዜጋ ሕጋውን ጠቃምን ምዃኑ ምግንዛብ የድሊ።

ናብዞም ዝተፈላለዩ ማሕበራት ምኻድ ምስ ኩሉ ናይ ቋንቋ ዕንቅፋታት ብርግጽ ትብዓት የድሊ። እዚ ቋንቋ ጀርመን ምፍላጥ ኣገዳስነቱ ኣብ ኣውስትርያ ማዕረ ክንደይ ምዃኑ ይሕብር። ኣብ ንጥፈታት ናይዞም ማሕበራት ምስታፍ ደሓን ዕድላት ይኸፍትን ብግብሪ ድማ ናይ ቋንቋ ክእለት ንምምዕባል ይሕግዝ።

ሕቶን መልስን

1. ማሕበራት ወጻእተኛታትን ስደተኛታትን ዘካይድዎም ንጥፈታት እንታይ ይመስሉ?

ትምህርታዊ ንጥፈታትን ናይ ቋንቋ ስልጠናታት (እንግሊዝኛ፣ ቋንቋ ጀርመን፣ ዓረብኛ፣  ወዘተ) ፣ ናይ ምዝንጋዕ ንጥፈታት፣ ባህላዊ ርክባት፣ ሓገዛት ምንዳይ ናይ መንበሪ ገዛን ምኽሪ ንሓደስቲ ስደተኛታትን ገለ ካብቶም ብወጻእተኛታትን ስደተኛታትን ዝካየዱ ንጥፈታት እዮም።

2. ኣብ ክለባት ስፖርታዊ ንጥፈታት ክሳተፍ ይኽእል ዶ?

እወ፡ ኣብ ዝኾነ ናይ ስፖርትን ምዝንጋዕ ንጥፈታትን ክትሳተፍ ትኽእል ። ኣብ ናይ ስደተኛታት ናይ ኲዕሶ እግሪ ክለባት ግብራዊ ኣብነታት ኣለዉ።

3. ኣብ ናይ ወጻእተኛታት ወይ ካልኦት ማሕበራት ምጽንባር እንታይ ጥቅምታት ይህልዉ?

ኣባልነት ኣብ ማሕበራት፡ ማሕበራዊ ውህደት ምስ ሕብረተሰብን ትካላትን የማዕብል። ብተወሳኺ ባህላዊ ምትሕንፋጽ ኣፍደገ ድማ ይኸፍት።

4. ስደተኛታት ኣብ ኣውስትርያ ወለንታውያን ክኾኑ ይኽእሉ ዶ?

እወ፡ ወለንታዊ ተሳትፎ ኣብ ሕብረተሰብ ኣውስትርያ ምውህሃድን ናይ ቋንቋ ምዕባለ ኣብ ምድንፋዕን ሓጋዚ ተራ ኣለዎ።

5. ኩሎም ስደተኛታት ዕድል ናይ ምዝንጋዕ ንጥፈታት ይረኽቡ ዶ?

ሓፈሻዊ ኩሎም ስደተኛታት ናይ ምዝንጋዕ ዕድል ኣለዎም። ነቲ ዝዳሎ ንጥፈታት ዘዳልዉ ማሕበራት ምርኩስ ብምግባር ናይ ምስታፍ ኩነታት ክፈላለ ይኽእል። እንተኾነ ግን ቁጠባዊ ትሕዝቶን ናይ ቋንቋ ጸገማትን ናይ ተሳትፎ ዕድል ክውስኖ ይኽእል።

ስልጠናታት ቋንቋ ንስደተኛታትን ዑቅባ ዝተዋህቦም ስደተኛታት

ምወላ ኣውስትርያ ንሕብረተሰባዊ ምውህሃድ ዝተፈላለዩ ናይ ቋንቋ ስልጠናታት የዳሉ ፡ ገለ ካብኡ ድማ ኣብ ፍሉይ ሞያ ኣተኩሮ ይህብ። ሓገዝ ንሞያዊ ስልጠናን ትምህርትን ድማ ቀንዲ ኣተክሮ እቲ ትካል እዩ።

ኣብ ትሕቲ ፍሉይ ቅድመ ኩነት ድማ ምወላ ንተሳተፍቲ ይወሃብ ። ናይ ስደተኛ ደረጃ ዑቅባ ዝተዋህቦምን ዓይነታዊ ሓገዝ ሓለዋ ዘለዎምን (ኣብ ውሽጢ ፈለማ ሰለስተ ዓመታት) ጠለብ ንምወላ ከቅርቡ ይኽእሉ። ስደተኛታት ካብ ኣገልግሎት ዕዮ /ስራሕ (Arbeitsmarktservice AMS) ምወላ ክረኽቡ ይኽእሉ። ኣብ ውሽጢ ገለ ፕሮጀክታት ምወላ ኣውስትርያ ንሕብረተሰባዊ ምውህሃድ ገንዘባዊ ክፍሊት ይወሃብ። ኣብ ቪየና ዝሰርሑን ዝነብሩን ስደተኛታት ካልእ ናይ ሓገዝ ኣማራጺ ክረኽቡ ይኽእሉ።

 ሊንክታት ስልጠና ቋንቋ ጀርመን ንስደተኛታት

ዝርርብ ኣብ ባህላዊ ምትሕንፋጽን ብሓባር ምንባርን  /Intercultural dialogue and coexistence

(source: CORE- Integration im Zentrum: https://www.refugees.wien/en/initiatives-for-integration/)

ተበግሶታት ንደቀንስትዮ ስደተኛታት/Initiatives for migrant women

(source: CORE- Integration im Zentrum: https://www.refugees.wien/en/initiatives-for-integration/)

ዝያዳ ሓበሬታን ሊንክታትን/Sources, further information & links

• https://www.integrationsfonds.at/themen/beratung/
• https://www.caritas.at/hilfe-beratung/migrantinnen-fluechtlinge/
• https://diakonie.at/unsere-arbeit/fluechtlingsarbeit
• Different initiatives for integration: https://www.refugees.wien/initiativen-fuer-integration/
• http://politikberatung.or.at/fileadmin/rezensionen/buchrezensionen/Buchrezension_Migrantenorganisationen.pdf